False Lover Won Back

verse 1: The place war me and my love bide The sun it never gaes doon, bonnie love The sun it never gaes doon verse 2: "Go saddle me the milk white steed Go saddle to me the broon That I may ride all aroon, bonnie love That I may ride all aroon, bonnie love That I may ride all aroon" verse 3: "When will ye come back again When will ye come hame" "When the heather hills are nine times brunt And a' grown green again, bonnie love And a' grown green again" verse 4: "That's o'er lang tae bide awa' That's o'er lang frae hame The baby that's nae born yet Will be o'er lang wantin' his name, bonnie love Will be o'er lang wantin' his name" VERSE 5: Then he turned around his high horse heid And fast awa' rode he And she kilted up her gay clothing And fast, fast followed she, bonnie love And fast, fast followed she VERSE 6: Noo the firsten toon that they cam' to He bought her a rose and gems And bade her rue and return noo And nae mair follow him, bonnie love And nae mair follow him VERSE 7: "It's love for love that I do want Love for love again And it's hard when I love ye sae weel And ye nae me again, bonnie love And ye nae me again VERSE 8: Oh, the neesten toon that they cam' to He bought her a rose and gems And he bade her rue and return noo And nae mair follow him, bonnie love And nae mair follow him VERSE 9: "It's love for love that I do want Love for love again And it's hard when I love ye sae weel And ye nae me again, bonnie love And ye nae me again verse 10: The neesten toon that they cam' to He bought her a wedding ring And he bade her dry her rosy cheeks And he would tak' her wi' him, bonnie love And he would tak' her wi' him verse 11: "And it's love for love that I hae got Love for love again So turn your high horse heid aboot And we will ride for hame, bonnie love And we will ride for hame"