Da Dings

verse 1 Wo i a grod geh und steh, kummt ana her und kennt mi. Kennt sei weu i in letzter Zeit so oft im Fernsehn woa wie nie. Schuld is a sehr diskrete Frau, a sogenanntes Gspusi. De Frau, de haaßt Karrier und mocht mit mia glott wos wü. verse 2 Da Zeitungsstandla unt am Eck, da Wirschtla bei da Hoitstö, da Filialdirektor von da Bank san olle nur no fia mi do. De rolln den rodn Teppich aus und ham gach glernt zum Griaßn. Und de Frau Gerti in da Putzerei wü a Büd wo drauf steht: i woa do. Nimma lang und i bin in jeden drittn Haushalt. De Frau Karriere wos schaut auf mi sogt: "Du wirstas no erlebn." Auf da Stroßn reißts de Leit, dann san sa se ganz sicher: "Se san da Dings, nau höfns ma, und neilich woans im Fernsehn." verse 3 I schau ma zua beim Freindlichsei, beim Schmähfian und beim Griaßn Damit a jeda vo mia waaß: Des is a Bursch wia Du und i I schau ma noch: Bald host es drauf wia seinerzeit da Heinzi Oba mei Fräun de siecht des ziemlich streng, sie sogt: "Wüst nix oda wüst mi?" verse 4 Mit ihr kumm i in jede Bar ohne an Kreuza in da Toschn Und es gibt Schaumwein da auf Haus fia de Partie und mi Mei Büdl in da Putzerei hängt seit heit hinta da Kassa Do san da Karl Schranz, Mariazell, da Heesters und jetzt a i Ganz unter uns, i sogs wias is: I wolltat nia wos anders. Imma in Funk und Fernsehn sei, auf Poster, Büdl und Elpi. Wollt imma scho, daß ma mi kennt und daß olle wissen: "Se san da Dings, der ausn Fernsehn, da Dings ausn Tiwi." Verse 5 Mei Gspusi wos den Durchblick hot, oba imma eintunkt bei de Soli, hod ma grod ins Ohr gehaucht wos jetztn angsogt wa: I sing scho vü z´lang üba mi, i soit jetzt wos valosn. A Brilln, an Schal, mei guade Haut, des mocht a jeder Star. Verse 6 I hätt a super Angebot, nehmts an Zettl und an Bleistift. I gib eich jetztn mei Adress, sammas? Here we go ... Gesprochen: Anan Dings, Postfach 870, 1150 Wien Do gibt’s a Büdl wia in da Putzerei, schwarzweiß und geng Aufpreis dazua a echtes Autogramm mit an speziellen "Da Dings woa do." I bin in dera Stadt aus Stan echt nimma mehr allanich, mei Frau Karriere de hoit auf mi und jeda hot mi gern. In da Frua woas heit im Stiagnhaus, prackt ma ana auf de Schulter. Sogt "Se san da Dings, nau daß ma einfoit, und neulich woans im Fernsehn." neulich woans im Fernsehn. Fernsehn.