Tramps And Hawkers

verse 1 O come a´ ye tramps and hawker-lads an´ gaitherers o´ bla´ That tramp the country roun´ and roun´, come listen one and a´ I´ll tell tae ye a rovin´ tale, o´ sights that I hae seen Far up into the snowy north, or sooth by Gretna Green. verse 2 I´ve seen the high Ben Nevis a-towerin´ tae the moon I´ve been roun´ by Crieff an´ Callander an roun´ by Bonny Doon I´ve seen Loch Ness's silvery tide an´ places I'll tae ken Far up into the stormy north lies Urquart´s fairy glen verse 3 Ofttimes I laugh tae mysel´ as I wander alang the road My toerags round my blistered feet, my face as broun´s a toad Wi´ lumps o´cheese and tattie-scones or breid an´ braxie ham Nae thinking whar´ I´m comin´ frae nor thinkin´ whar I´m gang. verse 4 I've done my share of humpin' wi' the dockers on the Clyde I've helped the Buckie trawlers hawl the herrin' o'er the side I've helped to build the mighty bridge that spans the Firth o' Forth And wi' mony Angus farmer's rig I've plowed the bonny earth Verse 5 I´m happy in the summer-time beneath the dark blue sky Nae thinkin´ in the mornin´ where at nicht i´m gang to lie In barn or byre or anywhere dossing out among the hay And if the weather treats me right, I´m happy every day. Verse 6 Loch Katrine and Loch Lomond, they´ve oft been seen by me The Dee, the Don, the Devron, that a´ flows tae the sea Dunrobin Castle, by the way, I nearly had forgot And the reckless stanes o´cairn that mairks the hoose o´ John o´ Groat. Verse 7 I´ve been by bonny Gallowa´, an´ often roun´ Stranraer My business leads me anywhere, I travel near an´ far I´ve got that rovin´ notion I wouldna like tae loss For It´s my daily fare an´ as much I will pay my doss. Verse 8 I think I´ll gang tae Paddy´s Lan´, I´m makin´ up my mind For Scotland´s greatly altered noo, I canna raise the wind But I will trust in Providence, and Providence be true I´ll sing ye´a song o´ Erin´s Isle when I come back to you.