Leaving Eggersriet

E Reihehüsli, en Voltigierbock uf de Wiese döt chunt sie her, da isch ihri Welt en Voltigierbock isch e Ã?lfass uf vier Bei us Ise und au süsch hets ere a nüntem gfehlt Sie het s’Rädli chöne und de Spagat und sie het immer e so wöle sii wie die Meitle im Ballettinternat wo sie kennt het vo dere Serie Und binere Schuelvorstellig vo Hair i de Sek isch es denn passiert sie het denkt frei sii isch gar nöd schwer und het in Wien Musical studiert Ihren Brüeder het müese is Militär irgendwo im Bernbiet sie het nöd denkt dass sie mol früehner als er vo Dehei us zieht REFRAIN Leaving Eggersriet Leaving Eggersriet Leaving Eggersriet Leaving Eggersriet Ihren Fründ het sie kenne glernt im Bett noch ere Party imene Wäschsalon am Ahfang hends zeme hochdütsch gredt und denn gmerkt sie sind jo us em gliche Kanton Er isch in Wien gsi uf Ã?sterreichtournee mit siner Band The Beautiful Blind die hend en Hit gha uf Radio Zürisee aber Wien hets nöd guet mitne gmeint Und de Rescht von de Band isch denn wieder hei aber er isch bi ihre blibe er het en Job gfunde inere Metzgerei und i de Freiziit e Musical gschribe Mitere Hauptrolle extra für sie sie het de Text gmacht für s’einte Lied und er het Idee für d’Choreografie und au scho en Titel gha wo zieht: REFRAIN Leaving Eggersriet Leaving Eggesriet Leaving Eggersriet Leaving Eggersriet Jetzt chunt er hei vonere Prob und sie frogt en wie isch es gloffe er seit guet und sie tuet Gschwellti ob und de Chlii isch scho am Schlofe Jo es isch denn alles andersch cho sie hend e Chind übercho, en Bueb aber s’isch ne z’riskant gsi Künstler und WG und so und sie sind zruck id Schwiiz uf Grueb Er hets mit em Musical no paar mol probiert aber am Broadway und am Bernhardtheater hends nöd emol reagiert und er isch id Firma ihgstige vom Vater Aber die letschte Mönet hät er probet und sie hät d’Kostüm gmacht und d’Hüet mit de Schüeler vo Grueb und hüt Obet im Gmeindsaal spieleds Leaving Eggersriet REFRAIN Leaving Eggersriet Leaving Eggesriet Leaving Eggersriet Leaving Eggersriet