Es Wird Scho Glei Dumpa

1. Es wird scho glei dumpa, es wird ja scho Nacht. Drum kimm i zu dir her, mei Heiland, auf d’Wacht. Will singan a Liadl, dem Liebling dem Kloan, du magst ja net schlafn, i hör di nur woan. Hei – hei, hei – hei, schlaf süaß, herzliab’s Kind 2. Vergiss iazt, o Kinderl, dei Kummer, dei Load. Daß’d do da muaßt leid'n im Stall auf der Hoad. Es ziern ja die Engel dei Liegestatt aus, mecht schener net sein drin im König seim Haus. Hei – hei, hei – hei, schlaf süaß, herzliab’s Kind 3. Ja, Kinderl, du bist halt im Kripperl so schee, mi ziemt i kann nimmer aweg von dir geh’. I wünsch dir von Herzen de süaßtete Ruah, De Engerl vom Himmel, sie decken di zua. Hei – hei, hei – hei, schlaf süaß, herzliab’s Kind 4. Mach zua deine Äugel in Ruah und in Fried. Und gib ma zum Abschied dein Seg’n no grad mit. Aft wird ja mein Schlaferl a sorgenlos sein, aft kann I mi ruahli auf’s Niedarlegn frein. Hei – hei, hei – hei, schlaf süaß, herzliab’s Kind